भारत– डा. टी आओ अन्तर्राष्ट्रिय फुटबल च्याम्पियनसिपमा नेपाली युवा टोलीले भारतीय प्रादेशीक टोली त्रिपुरामाथी शानदार जीत हात पारेको छ ।

बिहीवार भारतको गुवाहाटीस्थित एलएनआईपीई रंगशालामा भएको खेलमा खेलमा एन्फा—२१ ले भारतीय टोली त्रिपुरामाथी ८–० को शानदा जीत हात पारेको हो । खेलमा अभिषेक रिजालले चार गोल गरे । उनले ५२, ६६, ६९ र ७८ मिनेटमा गोल गरे । त्यस्तै प्रिजेन तामाङले चौथो र खेलको ६७ मिनेटमा गोल गरेका थिए । खेलमा रिजिन सुव्बा र धिरज श्रेष्ठले एक एक गोल गरेका थिए । खेलमा अभिषेक रिजाल म्यान अफ दि म्याच घोषित भएका थिए ।

नेपालले तेस्रो खेल फ्रेब्रअरी २३ मा मनिपुरँग साई रंगशालामा खेल्नेछ भने चौथो खेल मिजोरमसँग एलएनआईपीई रंगशालामा र अन्तिम खेल नागाल्यान्डसँग २५ तारिखमा खेल्नेछ । प्रतियोगिताको विजेता टोलीले ८ लाख भारतीय रुपैयाँ पुरस्कार पाउनेछ भने उपविजेताले ५ लाख पाउनेछ ।