काठमाडौं– सञ्चार तथा सूचना प्रविधिमन्त्री गोकुल प्रसाद बाँस्कोटाले सामाजिक सञ्जाललाई व्यवस्थित गर्न बनेको सूचना प्रविधिसम्बन्धी विधेयक-२०७५ सामाजिक सञ्जाल व्यवस्थित गर्नका लागि ल्याइएको स्पष्ट पारेका छन् ।

मन्त्री बाँस्कोटाले बुधबार(हिजो) प्रतिनिधिसभाको बैठकमा उक्त विधयेक पेश गरेका थिए ।

मन्त्री बास्कोटाले सरकारले सामाजिक सञ्जाललाई थप व्यवस्थित र समायनुल बनाउन खोजको दाबी गरे ।

मन्त्रिपरिषद् बैठकका निर्णयहरुबारे जानकारी दिन आयोजित पत्रकार सम्मेलनमा बोल्दै मन्त्री बाँस्कोटाले विधयेकका विषयमा चर्चा भइरहेको भन्दै स्पष्ट पार्ने प्रयास गरे ।

इन्टरनेटको दुरुपयोग हाइड्रोजन बम भन्दा खतरनाक हुने भन्दै मन्त्री बाँस्कोटाले त्यसलाई व्यवस्थित गर्न लागिएको बताए ।

विश्वका विभिन्न देशको उदाहरण दिँदै उनले भारत, फ्रान्स, बेलायत, अमेरिका लगायतमा पनि सामाजिक सञ्जालको नियमनका लागि कानून रहेको जानकारी दिए ।

सामाजिक सञ्जाल नै चलाउन नपाइने खालको हल्ला चलिरहेको भन्दै त्यसमा सत्यता नभएको मन्त्री बाँस्कोटाको भनाइ थियो ।

‘फेसबुक जस्ता सामाजिक सञ्जाल चलाउन व्यक्तिगतरुपमा नै दर्ता गर्नुपर्छ भनेर हल्ला गरिएको छ । यो सरासर गलत छ । हामीले व्यवस्थित र नियमन गर्न खोजेका हौँ । व्यक्तिगतरुपमा नै दर्ता गर्नुपर्छ भनेका होइनौं, फेसबुक, ट्वीटर युट्युव लगायतका सबै चलाउन नपाइने होइन, सबै चलाउन पाइन्छ’ उनले भने ।

सामाजिक सञ्जालमा गालीगलोजलाई रोक्न खोज्दा ‘इनोभेसन नै रोक्न खोज्योकि’ भन्ने आरोप लागेको छ त्यो सत्य होइन, मन्त्री बाँस्कोटाले भने ।

बोल्न पाउने, लेख्न पाउँने चिज नै समाप्त हुन्छ भन्ने गरी हल्ला चलिरहेको भन्दै मन्त्री बाँस्कोटाले त्यस्तो खालको कानून नबन्ने स्पष्ट पारे ।