काठमाडौं–संवैधानिक परिषदले बारम्बार सैंवैधानिक र कानुी मापदण्ड पूरा नगरेका व्यक्तिलाई सिफारिस गरको पाइएको छ । मुस्लिम आयोग अध्यक्षमा समिम मियाँ अन्सारीलाई पठाउने निर्णयले परिषदको सिफारिसलाई थप विवादित बनाएको कान्तिपुर दैनिकमा खबर छ ।

परिषदले सिफारिस गरेका अख्तियार दुरुपयोग अनुसन्धान आयोगका प्रमुख आयुक्त लोकमान सिंह कार्की, आयुक्त राजनारायण पाठक, प्रधानन्यायाधीश गोपाल पराजुली विवादित भएपछि कार्यकाल नपुगी बाहिरिए । परिषदले सिफारिस गरेका व्यक्तिमध्ये विवादमा परेका अधिकांशको उच्च नैतिक चरित्रमै प्रश्न उठ्ने गरेको छ । परिषदमा प्रधानन्यायाधीश, सभामुख, राष्ट्रियसभाका अध्यक्ष, प्रतिनिधिसभामा विपक्षी दलका नेता र उपसभामुख सदस्य हुन्छन्।

त्यस्तै त्रिवि शिक्षा संकायका सहायक डिन बोबालाल साह यौन दुव्र्यवहार आरोपमा पक्राउ परेको, एकीकृत राष्ट्रिय शिक्षा ऐन ल्याउने तयारी भएको, ७ सचिवको सरुवा भएको, टोलपिच्छे कृषक पाठशाला बनाउने योजना बनेको लगायतका समाचार प्राथमिकताका साथ छापिएका छन् ।