ललितपुर–ललितपुर महानगरपालिकासँगैको क्षेत्रमा पोखरी बनाउनेकी पार्किङ भन्ने विवाद अन्त्य भएको छ ।

ललितपुर महानगरपालिकाको कार्यालय भन्दा दक्षिणपट्टि रहेको स्थानमा १८ महिना अघि पोखरी निर्माण गर्ने कार्यको शुभारम्भ गरिएपछि विवाद उत्पन्न भएको थियो ।

ललितपुरमा पार्किङको अभाव रहेको र त्यसको व्यवस्थापन अघि उक्त स्थानमा पोखरीको सट्टा पार्किङ बनाउन सबै पक्ष एकमत भएपछि विवाद अन्त्य भएको हो ।

मंगलवार ललितपुर महानगरका प्रमुख चिरीबाबु महर्जनको अध्यक्षतामा बसेको बैठकपछि दुवै पक्षले सहमतिपत्रमा हस्ताक्षर गरेका हुन् । हस्ताक्षर भएसँगै लामो समयदेखिको विवाद टुङिगएको हो ।

सहमतिपत्रमा महानगरको तर्फबाट वडा नं ३ का अध्यक्ष श्रीगोपाल महर्जन र वडा नं २० का अध्यक्ष चन्द्रलाल र सो स्थानमा पोखरी नै निर्माण गर्नुपर्ने माग राख्दै आन्दोलनमा उत्रिएकाको तर्फबाट नः त्वाः मंकाखलः का अध्यक्ष कदमलाल महर्जन र सदस्य बाबुराजा महर्जनले समेत हस्ताक्षर गरेका छन् ।

भ्रमण वर्ष सकिएसँगै पुखुको पोखरी निर्माण थालिने

सहमति पत्रमा नेपाल सरकारले घोषणा गरेको नेपाल भ्रमण वर्ष २०२० सकिएसँगै अर्थात् सन् २०२१ जनवरीको तेस्रो साताबाट उक्त स्थानमा पोखरी निर्माण सुरु गर्ने उल्लेख गरिएको छ ।

महानगरका प्रमुख चिरीबाबु महर्जनले पर्यटक भ्रमण वर्ष २०२० लाइ लक्षित गरेर यस स्थानमा केही समय पार्किङ नै सञ्चालन गर्न लागिएको बताए ।