जनकपुरधाम– एक युवतीमाथि बलात्कार गरेको आरोपमा पक्राउ परेर प्रहरी हिरासतबाट फरार भएका युवक भारतबाट पुनः पक्राउ परेका छन् ।

पक्राउ पर्नेमा धनुषाको अर्नामा गाउँपालिका–९ घर भइ जनकपुरधाम उपमहानगरपालिका–२० मा डेरा गरी बस्ने २० वर्षीय राममणि यादव छन् ।

एक युवतीमाथि जबरजस्ती करणी गरेको अभियोगमा गत साउन २७ गते पक्राउ परेका यादवमाथि अनुसन्धान गर्न अदालतले ५ दिन म्याद दिएको थियो । अनुसन्धानकै क्रममा जिल्ला प्रहरी कार्यालय धनुषाको हिरासतबाट मुद्दा शाखामा ल्याइएका राममणि साउन ३० गते फरार भएका थिए ।

प्रहरीले उनको खोजी गर्ने क्रममा भारतीय सीमा क्षेत्रबाट पक्राउ गरेको हो ।

प्रहरीका अनुसार राममणिलाई भारतीय राज्य बिहारको मधुवन जिल्लासँग सीमा जोडिएको सिराहको माडर भन्ने स्थानबाट नियन्त्रणमा लिइएको हो ।