आम नेपालीलाई प्रश्न गरौं त १२३ रुपैयाँमा घर पाइयो भने एक व्यक्तिको नाममा कति वटा होला ? तर यो अनौठो लाग्ने व्यवस्था इटालीमा छ ।

अधिकाशं मानिसले आफ्नो जीवनकालमा एउटा शानदार घर बनाउने कल्पना गरेको हुन्छ । बर्षौ मेहनत गरेर कमाएको रकम खर्चेपछि मात्र एउटा घर बनाउन सकिन्छ । जसका लागि लाखौं, करौडौ रुपैया खर्च हुन्छ । जो हर कोहिले पुरा गर्न सक्दैनन् । तर मात्र १ सय २३ रुपैयामा बनेकै घर किन्न पाइन्छ भने कस्ले नकिन्ला ? हो विवाहका लागि उत्तम गन्तब्य स्थल मानिने इटालिमा मात्र १ सय २३ रुपैयामा घर किन्न पाइने भएको छ । सुन्दै अनौठो लाग्ने यो प्रस्ताव इटालिका केवल ५ सय वटा घरमा मात्र लागु हुनेछ ।

तर यो घर किन्नुका लागि भने एउटा शर्त राखिएको छ । शर्त अनुसार घरको खरिददारले घरको रंगरोगन तथा मर्मत गर्नुपर्ने हुन्छ । खरीदकर्ताले घर किनेको ३ बर्षभित्र घरको प्रबलिकरण गर्नुपर्ने हुन्छ, अन्यथा घर फिर्ता लिईने छ ।

यो अफर इटालिको मुसोमेली नामक शहरको एक गाउमा मात्र उपलब्ध छ । उक्त स्थानका बासिन्दाले घर छाडेर गएपछि ति ५ सय घर अनलाइन बिक्रीमा राखिएको हो ।