हाम्रो व्यस्त दैनिकी चलिरहेको छ । त्यसैले गर्दा खानपानका बेला खास ध्यान पुग्दैन । खानपानमा ध्यान नपुगेपछि अनगन्ती रोगले गाज्छ ।

हामीले खाएको खाना पाचन गराउने पेटमा एक प्रकारको एसिड उत्पन्न हुन्छ । यदि, अस्वस्थ वा एसिडिटि उत्पादन गर्ने खाना खाएको खण्डमा पेटमा आवश्यकभन्दा बढी एसिड बन्छ । जसको कारण हामी एसिडिटिको शिकार हुन पुग्छौ । एसिडिटिका कारण स्वस्थ्यमा धेरै असर गर्छ । जसलाई केहि घरेलु उपचारविधिबाट नियन्त्रण गर्न सकिन्छ ।

एसिडिटिको घरेलु उपचार विधि

१. यदि तपाईमा एसिडिटीको समस्या छ भने, तुलसी पत्ताको पाउडर बनाएर त्यसमा ज्वानोको झोल र दालचिनीलाई एक कप बटर मिल्कमा मिसाएर खानुहोला, एसिडिटिबाट जोगिन सकिन्छ ।

२. नसुकेको अदुवाको रसमा मह मिसाएर नियमित पिउँदा पनि एसिडिटीबाट आराम मिल्छ ।

३. ताजा एलोभेराको पत्ताबाट जेलि निकालेर जुस बनाई पिउँदा पनि एसिडिटी घट्छ ।

४. पुदिनाको पातलाई सफा गरी पानिमा उमालेर पिउँदा एसिडिटी जोगिन सकिन्छ।

५. जाइफलको धुलो एक कप पानीसंग पिएमा एसिडिटीबाट बच्न सक्नुहुन्छ।

६. कागतीको रस मनतातो पानीमा मिसाएर प्रयोग गर्दा एसिडिटिको समस्याबाट मुक्ति मिल्छ ।

७. एक गिलास पानीमा एक चम्चा मिठा सोडा मिलाएर बिस्तारै बिस्तारै पिउँदा एसिडिटी घटेर जान्छ ।

८. कागतीको रस, मह र तातो पानीमा मिलाएर पिउँदा पनि एसिडिटिबाट राहत मिल्छ ।