ल्वाङ स्वास्थ्यका हिसावमा निकै लाभदायक मानिन्छ । यसको प्रयोग मसला र औषधिको रुपमा हुँदै आएको छ । मसलाको रुपमा प्रयोग भएपनि यसले स्वास्थ्यमा पनि फाइदा पुगोस् भन्नका लागि यसको प्रयोग हुने गरेको हो ।

जसले तपाईंका सानातिना स्वास्थ्य समस्यामा लाभ पुर्‍याउँछ । यसलाई प्रयोग गर्ने केही विधीहरु पनि रहेका छन् ।

एक लिटर पानीमा ८–१० गोटा ल्वाङका राखेर पानी उमाल्ने । पानी मनतातो भइसकेपछि पिउने गर्नुपर्छ यसो गर्दा रुघा र ज्वरो आएको मानिसलाई फाइदा पुग्दा ।

पेटमा जुका परेको छ भने ३–४ गोटा ल्वाङ पिसेर एक चम्चा महमा मिसाएर सेवन गर्दा निकै फाइदा पुग्छ । केही दिनसम्म यसको प्रयोग गरेका राहत पाउन सकिन्छ ।

मुखमा घाउ भएको छ भने दुईतीनटा ल्वाङ हल्का भुटेर मुखमा राख्ने र चुस्ने गरेमा मुखमा भएको घाउ निको हुन्छ ।

८–१० गोटा ल्वाङ पिसेर नरिवल तेलमा मिसाउने र मसाज गर्ने । यसो गर्दा टाउको दुखाइबाट राहत पाउन सकिन्छ ।

गर्धन् दुः खेको छ भने तोरीको तेलमा केही वटा ल्वाङ पिसेर मिसाउने र गर्धनका मसाज गर्ने गर्दा दुखाइको अन्त्य हुनेछ ।

दाँत दुखेमा दुईतीनटा ल्वाङ पिसेर एक चम्चा कागतीको रसमा मिसाएर दुखेको दातमा राख्दा दुखाइ कम हुन्छ ।

एक कप उमलिएको पानीमा दुर्इवटा ल्वाङ पिसेर हाल्ने । पानी चिसो भएपछि पिउने । यसो गर्दा पेटमा ग्यासको समस्याबाट राहत मिल्नेछ ।

दुईतीनटा ल्वाङसँग एउटा सुकुमेल चपाउने । यसो गर्दा सास गन्हाउने समस्याबाट मुक्ति पाइन्छ ।