वीरगन्ज– असुरक्षित रुपमा गर्भपतन गराउँदा पर्सामा एक अविवाहित युवतीको मृत्यु भएको छ ।

मृत्यु हुनेमा पर्साको पोखरिया नगरपालिका–६ की २० वर्षीया एक किशोरी छन् । प्रहरीका अनुसार आफ्ना प्रेमीसँगको शारीरिक सम्पर्कपछि रहेको गर्भ पतन गराउन ती युवती सीमावर्ती भारतीय शहर रक्सौल गएकी थिइन् ।

रक्सौलमा असुरक्षित रुपमा गर्भपतन गराएपछि गम्भीर बिरामी भएकी युवतीको वीरगन्जस्थित वीरगन्ज हेल्थ केयरमा उपचारका क्रममा मृत्यु भएको हो ।

प्रहरीले असुरक्षित रुपमा गर्भपतन गराएको अभियोगमा युवतीका प्रेमी पर्साको पोखरिया नगरपालिका–६ घर भएका सिकेन्द्र प्रसादलाई पक्राउ गरी अनुसन्धान थालेको छ ।

प्रहरीले सिकेन्द्रविरुद्ध ज्यान सम्बन्धी कसुर (कर्तव्य ज्यान) मुद्दामा अनुसन्धान अगाडि बढाएको जनाएको छ ।