काठमाडौं- विश्व फुटबलमा सधै चर्चामा रहन्छन लियोनल मेस्सी र क्रिस्टियानो रोनाल्डो । उनीहरुको खेलका विषयमा फुटबल प्रेमीहरुले पनि पक्ष लिएर मत राख्छन् । सर्वाधिक फेन फलोइङ भएका यी खेलाडीमा को उत्कृष्ठ भनेर सँधै बहस हुने गरेको छ । अर्जेन्टिनाका मेस्सी र पोर्चुगिज रोनाल्डो अहिलेको पुस्ताकै महान खेलाडी हुन् ।

मेस्सी र रोनाल्डोबीच सँधै को उत्कृष्ट भन्नेमा विवाद रहँदै आएका छन् । दुई खेलाडीबीच कीर्तिमान बनाउने होड नै चल्छ । पछिल्लो १० वर्ष विश्व फुटबलमा कहिले रोनाल्डो त कहिले मेस्सीले विविध कीर्तिमान बनाउदै आएका छन् । अन्य खेलाडी रोनाल्डो र मेस्सीको छेउछाउ पुग्नै सकेका छैनन् ।

रोनाल्डो र मेस्सी को उत्कृष्ट भन्ने विवाद रहिरहदा सर्वाधिक ‘म्यान अफ दि म्याच’ बन्ने खेलाडीमा भने रोनाल्डोलाई मेस्सीले जितेका छन् ।

सन् २००९ /१० देखि हालसम्म भएको खेलमा मेस्सी सर्वाधिक बढी म्यान अफ दि म्याच बनेका छन् । मेस्सीले २ सय ३९ पटक म्यान अफ दि म्याच पाएका छन् ।

रोनाल्डोले भने १ सय ४० पटक म्यान अफ दि म्याच बनेका छन् ।

सर्वाधिक म्यान अफ दि म्याच बनेका पाँच खेलाडीहरु :

१. लियोनल मेस्सी – २३९
२. क्रिस्टियानो रोनाल्डो – १४०
३. इडेन हजार्ड – ९१
४. ज्लाटन इब्राहिमोबीच – ८५
५. लुइस स्वारेज – ६२