काठमाडौं– विभिन्न अभिव्यक्ति दिएर पटक–पटक विवादमा तानिँदै आएका इटहरी उपमहानगर पालिकाका मेयर द्वारिकालाल चौधरीले आफ्नो पछिल्लो अभिव्यक्तिले नेपाली आमा दिदी बहिनीको भावनामा चोट पर्न गएकोमा क्षमा याचनासहित माफी मागेको छन् ।

शुक्रबार एक विज्ञप्ति जारी गर्दै मेयर चौधरीले इटहरीको समृद्धि र विकासका लागि महिला दिदी बहिनीहरुको समेत साथ र सहयोग विना सम्भव नभएको भन्दै क्षमा याचना गरेका छन् । उनले विज्ञप्तिमा भनेका छन्– ‘अहिलेसम्म यहाँहरुले खेल्नुभएको भूमिकाप्रति आभार प्रकट गर्दै अवाञ्छित यौनजन्य गतिविधिको अन्त्य गरी विकास र समृद्धिमा यहाँहरुको साथ र सहयोगका लागि हार्दिक आह्वान गर्दछु ।’

मेयर चौधरीले गत असार ४ गते इटहरी–१६ र १७ वडाका नागरिक समाजले गरको सामाजिक विकृति विरुद्धको अभियान कार्यक्रममा समाजलाई नै अपाच्य हुने खालका शब्द प्रयोग गरेपछि आलोचित बनेका थिए ।

उनले इटहरी उपमाहानगरपालिकामा रहेको बेथिति, कुरीति तथा भ्रष्टाचारविरुद्ध आफू लडिरहने विज्ञप्तिमा उल्लेख गरेका छन् ।

उनले इटहरीमा देखिएको यौनजन्य गतिविधिलाई नियन्त्रण गर्नु प्रमुख चुनौती रहेको र यसलाई नरोकी समुन्नत इटहरी निर्माणको परिकल्पना अधुरो रहने बताएका छन् ।

यसअघि पनि मेयर चौधरीले पत्रकारमाथि प्रयोग गरेका शब्दलाई लिएर आलोचित बनेपछि माफी माग्न बाध्य भएका थिए ।

विज्ञप्ति यस्तो छ