काठमाडौं । इंग्लिस प्रिमियर लिग अन्तर्गत आइतबार राति भएका खेलहरुमा म्यानचेस्टर सिटी र टोटनह्याम विजयी भएका छन्।

साविक विजेता म्यानचेस्टर सिटीले हडर्सफिल्ड टाउन विरुद्ध उसकै घरेलु मैदानमा ३–० को जित निकालेको हो। सिटीको जितमा ड्यानिलो, रहिम स्टर्लिङ र लिरोइ सानेले समान एक–एक गोल गरे।

यस्तै ह्यारी केन विनाको टोटनह्यामले फुलहाम विरुद्ध २–१ को जित निकालेको छ। केन घाइते भएका कारण उनी मार्च पहिलो हप्तादेखि मात्र मैदानमा देखिने क्लबले बताएको छ।

टोटनह्यामको जितमा डेली एली र ह्यारी विंक्सले गोल गरे। यस जितसँगै म्यानचेस्टर सिटी लिगमा ५६ अंक जोड्दै लिगको दोस्रो स्थानमै कायम रहेको छ। टोटनह्यामपनि ५१ अंक जोड्दै लिगको तेस्रो स्थानमै कायम रहेको छ।