काठमाडौं। वेस्टइन्डिजमा हुने क्यारेवियन प्रिमियर लिग सीपीएल क्रिकेटको यो वर्षको खेल तालिका सार्वजनिक भएको छ । प्रतियोगिता आगामी अगस्ट २१ देखि सेप्टेम्बर २१ सम्म चल्ने छ ।
सीपीएलका प्रमुख कार्यकारी अधिकृत पेट रशेलका अनुसार लिगका खेलहरु ट्रिनिडाड एण्ड टोबागो र गुयनामा हुने छन् । सीपीएलको पछिल्लो संस्करणमा नेपाली युवा लेग स्पीनर सन्दिप लामिछाने खेलेका थिए । उनी उत्कृष्ट इकोनोमिकल बलर समेत बनेका थिए ।
सन्दिपले ५ विकेट समेत हात पारेका थिए । सीपीएलको मिति तोकिएसँगै अब खेलाडी अक्सनको तालिका पनि सार्वजनिक गरिने जनाइएको छ ।
प्रतिक्रिया