काठमाडौं– सत्तारुढ नेपाल कम्युनिस्ट पार्टी (नेकपा)को सचिवालय वैठक प्रधानमन्त्रीको सरकारी निवास बालुवाटारमा शुरु भएको छ ।

आइतबार अपराह्न शुरु भएको सचिवालयको वैठकले पार्टीको एकता प्रक्रियालाई टुंग्याउने बताइएको छ ।

नेकपाका अध्यक्ष प्रचण्डले आइतबार दिउँसो राजधानीमा आयोजित एक कार्यक्रममा एकता प्रक्रिया लगभग टुंगोमा पुगिसकेको बताएका थिए ।

प्रचण्डका अनुसार आइतबार अपराह्न बालुवाटारमा शुरु भएको वैठकले एकता प्रक्रियालाई अनुमोदन गर्ने छ ।

यद्यपि, केही नेताहरुले भने एकताको विषयमा अझै विवाद रहेको बताउँदै आएका छन् ।

खासगरी केही पोलिट्ब्यूरो सदस्यले एकतालाई टुंगोमा पर्‍याउन अपनाइएको प्रक्रियाप्रति आपत्ति जनाउँदै आएका छन् ।