रुकुम– जिल्ला प्रहरी कार्यालय रुकुम पूर्वले अवैध रुपमा राखिएका ५६ थान भुरुवा बन्दुक संकलन गरि सार्वजनिक गरेको छ । आइतबार रुकुमकोटमा पत्रकार सम्मेलन गरी जिल्लाका ३ स्थानीय तहका विभिन्न ठाउँबाट संकलन गरिएका ५६ थान भरुवा बन्दुक सार्वजनिक गरिएको हो ।
वन तथा वन्यजन्तु संरक्षण र अपराधिक घटना न्यूनीकरणका लागी प्रहरीले स्थानीयसँग रहेका अवैध हतियार संकलन गरिरहेको हो ।

गत मंसिर १२ गते ५५ र यस पटक ५६ थान गरी १ सय ११ थान अवैध हतियार स्थानीयले  प्रहरीलाई बुझाएका हुन् ।

गृहमन्त्रालयको सार्वजनिक सूचना र स्थानीय प्रहरी प्रशासनको पहलमार्फत रुकुम पूर्वको पुर्व उत्तरगंगगा गाउँपालिका बाट ४४, सिस्ने गाउँपालिकाबाट ११ र भुमे गाउँपालिका १ बाट थान गरी जम्मा ५६ थान हतियार संकलन भएको प्रमुख जिल्ला अधिकारी मित्रलाल शर्माले जानकारी दिए ।