काठमाडौं – अभिनेता राजेश हमाल फ्रेस हुनका लागि पोखरा गएका थिए । महानायकको ट्याग पाएका हमाल सामाजिक सञ्जालमा पनि राम्रै अपडेट भइरहेका हुन्छन् । यसै क्रममा हमालले एउटा गीत शेयर गरेका छन्, जुन गीत पछिल्लो समय निकै गुञ्जिने गीतको लिस्टमा पर्छ ।

दिग्गज गायक स्वर्गीय झलकमान गन्धर्वको गीत ‘तिम्रो नै माया लाग्दछ साइँली’ बोलको गीत गुनगुनाएको भिडियो हमालले सामाजिक सञ्जाल फेसबूकमा शेयर गरेका छन् । भिडियो शेयर गर्दै उनले लेखेका छन् – राम्रो गीत ।

भिडियोमा उनले टाउको हल्लाउँदै गीत गुनगुनाएको देख्न सकिन्छ । जसलाई हमालका फ्यानले धेरै तरिकाले लिएका छन् ।

कतिले हमालले गुनगुनाएको यो गीतलाई लिएर रमाइलो मानिरहेका छन् भने कति फ्यानले अब आफूहरुले पनि यस्तै गीत सुन्ने प्रतिक्रिया दिएका छन् । गीतको भिडियोमा महानायक हमालले शब्दलाई गाइरहेको देख्न सकिन्छ ।

यो गीत पछिल्लो समय खोजीखोजी सुनिने गीतमा पर्छ । यो गीत उनका झलकमान गन्धर्वका गीतमध्ये चर्चित गीतमा पर्छ । युट्युबमा यो गीतमा विदेशी र नेपाली गायकले कभर गीतसमेत गाएका छन् ।

भिडियो हेर्नुहोस्:

https://www.facebook.com/rajesh.hamal.5872682/videos/2311625482385629/