काठमाडौ– नेपाली राष्ट्रिय फुटबल टोलीले बिहीबार (आज) कुवेतसँगको अन्तराष्ट्रिय मैत्रिपूर्ण पहिलो खेलका लागि प्लेइङ—११ सार्वजनिक गरेको छ ।

नेपाली टोलीका मुख्य प्रशिक्षक योहान कालिनको पहिलो रोजाईमा अजित भण्डारीदेखि लामो समय राष्ट्रिय टोली बाहिर रहेका बिक्रम लामा र रञ्जित धिमालले पनि स्थान बनाएका छन् ।

नेपाल पुलिस क्लबका भरपर्दा डिफेन्डर भण्डारी कुवेतविरुद्ध खेल्दै राष्ट्रिय टोलीबाट डेब्यु गर्दैछन् । खेल नेपाली समयअनुसार राति ९ बजेर १५ मिनेट शुरु हुनेछ ।

महत्वपूर्ण खेलका रुपमा हेरिएको मैत्रिपूर्ण खेलमा जसरी भएपनि जित्ने लक्ष्य रहेको प्रशिक्षक कालिनले बताइसकेका छन् । टोलीको कप्तान विराज महर्जनले गरेका छन् भने फरवार्डमा नवयुग श्रेष्ठ र भरत खवास मैदान उत्रिनेछन् ।

नेपाली टोली

गोलकिपर : किरण कुमार लिम्बु

डिफेन्डर : विराज महर्जन (कप्तान) , देवेन्द्र तामाङ्, अजित भण्डारी, रञ्जित धिमाल

मिडफिल्डर : रोहित चन्द, बिक्रम लामा, सुजल श्रेष्ठ, सुमन लामा

फरवार्ड : नवयुग श्रेष्ठ, भरत खवास