काठमाडौं– नेपाल चलचित्र कलाकार संघकाे आगामी नेतृत्वका लागि कलाकार सरिता लामिछानेले अध्यक्ष पदमा उम्मेद्‍वारी घोषणा गरेकी छन् । चैत २३ गते हुने संघकाे अधिवेशनले नयाँ नेतृत्व चयन गर्ने छ ।

यसअघि संघको महासचिव रहीसकेकी लामिछानेले आगामी कार्यकालका लागि अध्यक्ष पदका लागि उम्मेदवारी घोषणा गरेकी हुन् ।

चर्चित टेलिशृंखला ‘मुक्ति’ बाट अभिनय सुरु गरेकी सरिता लामिछानेले ‘गहना’, ‘जानकी’, ‘दुई दिनको जिन्दगानी’, ‘चाहना मनको’, ‘परिचय’ लगायत थुप्रै टेलिशृंखलामा अभिनय गरेकी छन् ।

पछिलो समय  ‘दृष्टि’ नामक टेलिशृंखलामा अभिनय गरिरहेकी लामिछानेले ‘सन्तानको माया’, ‘श्रीमान्–श्रीमती’, ‘हवल्दार सुन्तली’, ‘फिंगरप्रिन्ट’ र ‘सीता’ नामक फिल्ममा समेत अभिनय गरेकी छन् ।