काबुल– अफगानिस्तानको राजधानी काबुलमा भएका श्रृङ्खलाबद्ध विष्फोटमा ६ जनाको ज्यान गएको छ । काबुलको कर्त ए शाकी क्षेत्रमा शिया मस्जिद नजिकै ३ वा ४ मोर्टारबाट आक्रमण गरिएको अफगान आन्तरिक मामिला मन्त्रालयले जनाएको छ । आक्रमणमा अरु २३ जना घाइते भएका छन् ।

आक्रमणकारीले फारसी नयाँ वर्ष नौरोजको पूर्वसन्ध्यामा आक्रमण गरेका हुन् । आक्रमणकारीले नौरोजका लागि सामान खरिद गर्न भेला भएका मानिसहरुलाई लक्षित गरी आक्रमण गरेको अधिकारीले जनाएका छन् ।

अफगानिस्तानमा सक्रिय इस्लामिक अतिवादीले नौरोज पर्वलाई गैर इस्लामिक भन्दै यस्ता गैर इस्लामिक पर्व नमनाउन उर्दी जारी गर्दै आएका छन् ।

प्रहरीले आक्रमणकारीलाई पक्राउ गरेको र स्थितीलाई आफ्नो नियन्त्रणमा लिएको जनाएको छ ।