काठमाडौं– स्वास्थ्य मन्त्रीको जिम्मेवारी पाएसँगै भानुभक्त ढकालले स्वास्थ्य मन्त्रालय पुगेर पदवाहली गरेका छन् ।

स्वास्थ्य मन्त्रालयमा जिम्मेवारी सम्हालदै मन्त्री ढकालले स्वास्थ्य सेवाका कर्मचारीलाई राजनीतिक पूर्वाग्रह नराखी काम गर्न निर्देशन दिएका छन् ।

मन्त्री ढकालले आफुले पनि राजनीतिक आधारमा कसैलाई काखा र कसैलाई पाखा नगर्ने प्रतिवद्धता व्यक्त गरे । ढकाल यसअघि कानून, न्याय तथा संसदीय मामिला मन्त्री थिए । प्रधानमन्त्री ओलीको सिफारिसमा राष्ट्रपति विद्यादेवी भण्डारीले बुधवार मन्त्रीमण्डल पुनर्गठन गरेकी थिइन् ।

मन्त्री ढकालसँगै नयाँ स्वास्थ्य राज्य मन्त्री नवराज रावतले पनि स्वास्थ्य मन्त्रालयमा आफ्नो पदभार ग्रहण गरेका छन् ।