काठमाडौं–उच्च अदालत पाटनले पूर्वसांसद गायत्री साहलाई मेडिसिटी अस्पतालमा रहेको आफ्नो शिशु लिएर अदातलमा उपस्थित हुन आदेश दिएको छ ।

८ महिनाअघि डाउनसिन्ड्रोम भएको शिशु जन्मिएपछि अस्पतालमै छाडेकी साहलाई शिशु जिम्मा लिएर अदातलमा उपस्थित हुन  उच्च अदालतले आदेश दिएको हो ।

साहले गत फागुन २८ गते मेडिसिटी अस्पतालमा शिशुलाई जन्म दिएकी थिइन् । तर शिशु डाउनसिन्ड्रोम भएको थाहा पाएपछि साहले अस्पतालले गल्ती गरेको भन्दै शिशु लिन अस्वीकार गरेकी थिइन् ।

साहले शिशु लिन अस्वीकार गरेपछि अस्पतालले उच्च अदालत पाटनमा साहविरुद्ध मुद्धा दर्ता गरेको थियो ।  सो मुद्धामा पाटन अदातले असोज ८ गते शिशुको वीर अस्पतालमा स्वास्थ्य परीक्षण गर्न निर्देशन दिएको थियो ।

अदातलको आदेशपछि वीर अस्पतालले शिशुको स्वास्थ्य परीक्षण गरी असोज २९ गते स्वास्थ्य अवस्थाको रिपोर्ट अदालतमा पेस गरेको थियो ।  वीर अस्पतालले गरेको स्वास्थ्य परीक्षणमा शिशुको अवस्था सामान्य रहेको पाइएपछि अदालतले साहलाई आफ्नो शिशु सहित ३ दिनभित्र अदालतमा उपस्थित हुन आदेश दिएको हो ।