काठमाडौं- बीमा समितिले बिमा सूचना केन्द्र स्थापना गर्ने भएको छ । बीमा समिति र बीमा कम्पनीको सहकार्यमा बीमा सूचना केन्द्र स्थापना गर्ने लागिएको समितिले जानकारी दिएको छ ।

सुरुवातामा बीमा समितिले ३ लाख रुपैयाँ र सबै बिमा कम्पनीहरूले १–१ लाख रुपैयाँ लगानी गर्नेगरी सूचना केन्द्र स्थापना गर्ने समितिले जानकारी दिएको छ । सूचना केन्द्रका लागि ४३ लाख रुपैयाँ बराबरको पुँजी लाग्ने भएको छ ।

सम्बन्धी कानुनलाई संशोधन र एकीकरण गर्न बनेको विधेयक २०७५ को दफा १५६ मा बिमा सूचना केन्द्र स्थापना गर्न लागिएको समितिले जनाएको छ । सूचना केन्द्रको सञ्चालनका लागि प्राधिकरणले थप व्यवस्था गर्ने विधेयकमा उल्लेख छ ।

बीमा क्षेत्रमा हुने ठगीलाई नियन्त्रण गर्न बिमा सूचना केन्द्रको स्थापना गर्न लागिएको बीमा समितिको भनाइ छ । बैंक तथा वित्तीय संस्थामा हुने ठगीलाई नियन्त्रण गर्न केन्द्रीय बैकले कर्जा सूचना केन्द्रको स्थापना गर्ने समितिलाई निर्देशक दिएको छ ।