काठमाडौं- यु–१८ साफ च्याम्पियनसिपमा आज (शुक्रबार) प्रतियोगिताको उद्घाटन खेलमा नेपाली युवा टोलीले माल्दिभ्ससँग प्रतिस्पर्धा गर्दैछ ।

सशस्त्र प्रहरी बलको हल्चोकस्थित मैदानमा दिउँसो ३ बजे नेपाल र माल्दिभ्सबीचको खेल शुरु हुनेछ ।

घरेलु मैदानमा हुने प्रतियोगितामा नेपाली टोलीले उपाधि जित्ने लक्ष्य रहेको मुख्य प्रशिक्षक चेत नारायण श्रेष्ठले बताइसकेका छन् ।

तेस्रो संस्करण शुरु भइरहँदा नेपालले पछिल्ला दुई संस्करणमा जीत हात पारेको थियो । यो संस्करणमा घरेलु मैदानमै हुन लागेको प्रतियोगिता जित्दै ह्याट्रिक गर्ने लक्ष्यमा नेपाली टोली रहेको छ ।

माल्दिभ्सका प्रशिक्षकले पनि नेपाली टोलीविरुद्ध योजनाबद्ध रुपमा खेल्दै प्रतियोगितामा राम्रो शुरुवात गर्ने बताएक छन् ।