एजेन्स– बुल्गेरियाका पूर्व कप्तान तथा इंग्लिस क्लब म्यानचेस्टर युनाइटेडका पूर्व स्ट्राइकर दिमितार बेर्बातोभले फुटबलबाट सन्यास घोषणा गरेका छन् ।

बुल्गेरिन स्टार बेर्बातोभले सामाजिक संजाल इन्स्टाग्राम लेख्दै आफूले फुटबल खेल जीवनबाट सन्यास लिएको घोषणा गरेका हुन् ।

३८ वर्षीय बेर्बातोभले पछिल्लो सिजन करेला ब्लास्टरबाट इण्डियन सुपर लिग खेलेका थिए । त्यसयता बेर्बातोभ क्लब बिहीन रहँदै आएका थिए । क्लब फुटबलमा उनले २ प्रिमियर लिग, २ लिग कप र २ कम्युनिटी शिल्ड जितेका थिए । यस्तै १ पटक क्लब विश्वकप र १ बुल्गेरियन कप जितेका छन् ।

सन् २००८ देखि १२ सम्म युनाइटेडबाट खेलेका बेर्बातोभले फुलहम र टोटेनहमबाट समेत खेलेका थिए । बुल्गेरियाका लागि सर्वाधिक गोलकर्ता बेर्बातोभले नाममा ४८ गोल छ । उनले सन् २०१० मै अन्तर्राष्ट्रिय फुटबलबाट सन्यास लिएका थिए ।