एजेन्सी– चीनले अमेरिकासमक्ष आफ्नो मुलुकको समृद्ध हुने तथा विकास गर्ने हकको सम्मान गर्न आह्वान गरेको छ । व्यापारिक वार्ताका लागि चीनमा रहेको अमेरिकी प्रतिनिधिमण्डलसँगको भेटका क्रममा चिनियाँ प्रतिनिधिले आफ्नो मुलुकको समृद्ध हुने तथा विकास गर्ने हकको सम्मान गर्न आह्वान गरेका हुन् ।

चीनको स्टेट काउन्सिलर तथा विदेशमन्त्री वाङ यीले अमेरिकी प्रतिनिधिमण्डललाई समृद्ध हुने तथा विकास गर्ने हक अमेरिकाजस्तै चीनलाई पनि रहेको जनाएका हुन् । चीनको विकास तथा समृद्धी विश्व तथा अमेरिकाको हितमा रहेको कुरा अमेरिकाले स्वीकार्नुपर्ने यीको भनाइ छ ।

अमेरिकाले पछिल्ला केही समययता चीनले गैरकानूनी व्यापारिक अभ्यास गरिरहेको आरोप लगाउँदै आएको छ । त्यसैक्रममा अमेरिकाले २ खर्ब अमेरिकी डलर भन्दा बढीका चिनियाँ निर्यातमा लगाएको १० प्रतिशत भन्सार लगाएको छ ।

१० प्रतिशत भन्सार आगामी मार्च १ बाट बढाएर २५ प्रतिशत पु¥याउने जनाइएको छ । त्यसका लागि अमेरिकी तथा चिनियाँ व्यापारिक प्रतिनिधिबीच सघन वार्ता भइरहेको छ ।