काठमाडौं– फिल्म ‘कागजपत्र’ को ट्रेलर सार्वजनिक गरिएको छ । निर्माण टिमले काठमाडौंमा एक औपचारिक कार्यक्रमको आयोजना गर्दै फिल्मको ट्रेलर सार्वजनिक गरेको हो ।

कार्यक्रममा फिल्मका मुख्य कलाकार नाजिर हुसेन, भोलाराज सापकोटा, शिल्पा मास्के, लक्ष्मी बर्देवा, जीवन भट्टराई, लेखक तथा निर्देशक अपिल विष्ट लगायत उपस्थित थिए ।

यो फिल्मले विदेश जान मरिहत्ते गर्ने नेपालीको कथालाई कमेडी शैलीमा उठाएको छ । फिल्ममा लेखन तथा निर्देशन अपिल विष्टले गरेका हुन् ।

कार्यक्रममा बोल्दै विष्टले यो फिल्मले अहिलेको नेपालीको कथा उठाएकाले दर्शकलाई रुच्ने बताए ।

यस्तै फिल्ममा सम्पादन निमेश श्रेष्ठ, पोस्टर डिजाइन आनन्द के महर्जनको छ भने निर्माणमा खिलेन्द्र तिम्सिना, मुकेश रेग्मी र प्रजापति शिवाकोटीले टिमअप गरेका छन् ।

ट्रेलर: