मुम्बई – बलिउडमा महानायकको उपाधिबाट कहलिएका अमिताभ बच्चन अझै पनि आफ्नो कर्ममा सक्रिय छन् । उनी टेलिभिजन रियालिटी शो का कारण पनि चर्चामा छन् ।

हालै अमिताभले फ्यानलाई दुःखी तुल्याउने एक जानकारी सार्वजनिक गरेका छन् । देख्दा फिट देखिए पनि उनले आफ्नो कलेजो ७५ प्रतिशत काम नलाग्ने भइसकेको बताएका छन् ।

उमेरले अमिताभ बच्चन ७६ वर्ष पुगिसकेका छन् । उनले एक अन्तर्वार्ताका क्रममा आफ्नो ७५ प्रतिशत कलेजो खराब भइसकेको र २५ प्रतिशतले बाँचेको बताए । ‘मलाई क्षयरोग छ, अरु पनि रोग छन्, रोगबारे थाहा पाउन सके यसको उपचार पनि सम्भव छ ।’

उनले आम मानिसलाई नियमित चेकजाँच गर्न पनि सल्लाह दिए ।

पछिल्लो समय अमिताभ बच्चन ‘कौन बनेगा करोडपति’बाट पर्दामा आएका थिए । साथै पछिल्लो समय उनी अभिनित फिल्म ‘बदला’ ले पनि राम्रो प्रतिक्रिया पाएको थियो ।