काठमाडौं– सरकारले सञ्चालन गरेका आयोजनाका ९ सय ६ ठेक्कामध्इे ६ सय २३ वटा लथालिङ्ग अवस्थामा रहेका छन् । यी ठेक्का २० अर्ब ७६ करोडका रहेको कान्तिपुर दैनिकमा खबरछ । अख्तियार दुरुपयोग अनुसन्धान आयोगले गरेको अध्ययनबाट यति धेरै आयोजनाका विकास निर्माणको काम अलपत्र परेको खुल्न आएको छ ।

सडक विभागले सडक निर्माण आयोजनाको विकासक्रम बुझने भएको छ । विभागका सहायक प्रवक्ता अर्जुन सुवालले भने ठेकेदारको लापरबाही रहेछ भने रद्द गरेर कालोसूची प्रक्रिया अघि बढाउने प्रतिक्रिया दिएका छन् ।

त्यस्तै पाठकमाथि अनुसन्धान सुरु शीर्षकको अर्को समाचारमा अख्तियारले आफ्ना पूर्वआयुक्त राजनारायण पाठकको घुस प्रकरणमाथि विस्तृत अनुसन्धान अघि बढाएको छ । प्रारम्भिक अनुसन्धानबाट अनियमितता गरेको संकेत देखिएका विस्तृत अनुसन्धान गर्ने कानुनी व्यवस्था छ । अख्तियारले सञ्चारमाध्यममा आएका समाचारलाई उजुरीका रुपमा लिएको छ ।

त्यस्तै झापाका किसान क्यामोमाइल खेतीतर्फ आकर्षित हुन थालेको उल्लेख गरेको आजको मुख्य पृष्ठमा झापा गौरादहका किसान क्यामोमाइल खेती स्याहार्न व्यस्त रहेको तस्बिर छापेको छ ।