नेपालगन्ज– बाँकेका अति दुर्गम गाउँमा सरुवा रोगको प्रकोप बढेको छ । झाडापखाला र कमलपित्त (जण्डिस)जस्तो रोगको प्रकोप फैलिए पनि उपचारका लागि औषधि र स्वास्थ्यकर्मीको अभाव छ ।

जिल्लाको खयरभट्टी, चुनभट्टी, महेशपुरलगायतका गाउँमा सरुवा रोगको प्रकोप देखिएको हो ।

महेशपुरकी स्थानीय मिना बुढाले गाउँमा फैलिएको सरुवा रोगका कारण स्थानी आक्रान्त बनेको बताइन् । रोगको प्रकोप बढ्दै गएपनि गाउँमा भएको एउटा स्वास्थ्य चौकीमा औषधि र स्वास्थ्यकर्मी नभएको बुढाले सुनाइन् ।

आफ्ना १० वर्षीया छोरा पनि कमलपित्त (जण्डिस)बाट ग्रसित रहे पनि उपचारका लागि गाउँमा औषधि र स्वास्थ्यकर्मी नहुँदा समस्या भएको बुढाले सुनाइन् ।

‘छोरालाई जण्डिस भएको १ महिना भइसक्यो, भारतका अस्पताल र नेपालगञ्ज पु¥याउँदा पनि ठीक भएको छैन,’ बुढाले भनिन्, ‘अब त छोराको उपचार गर्न पनि पैसा छैन ।’

बुढाले गाउँका हरेक घरमा जण्डिस र झाडापखालका बिरामी रहेको पनि सुनाइन् ।