उत्तरी ब्राजिलमा एक बारमा बन्दुकधारीले अन्धाधुन्ध गोली चलाउँदा कम्तीमा ११ जनाको ज्यान गएको छ ।
उत्तरी ब्राजिलको पारा राज्यस्थित बेलेम शहरमा रहेको एक बारमा कार र मोटरसाइकल चढी आएका नकाबधारी बन्दुकधारी पसेर जथाभावी गोली चलाएका हुन् ।
घटनामा अन्य एक जना घाइते भएको अधिकारीले जनाएका छन् । मारिनेमा ६ महिला तथा ५ पुरुष रहेको जनाइएको छ ।
आक्रमणको कारण थाहा हुन नसकेको र हालसम्म कसैलाई पनि गिरफ्तार नगरिएको स्थानीय सञ्चारमाध्यमले जनाएका छन् ।
गोली चलेको बेलेम शहरमा हिंसात्मक घटना नियमितजसो हुने गरेका छन् ।
पारा राज्यमा मात्रै यो वर्षको शुरुका तीन महिनामा हिंसात्मक घटनामा ७ सय ५० भन्दा धेरैको ज्यान गएको बताइएको छ ।
प्रतिक्रिया