काठमाडौं– ‘काले’ भनिने विष्णु तामाङलाई प्रहरीले पक्राउ गरेको छ ।

प्रहरीको सार्वधिक खोजीको सूचीमा रहेका सिन्धुपाल्चोकका तामाङ टोखामा रहेको सूचनापछि उनलाई पक्राउ गर्न सोमबार(आज) विहान टोखा पुगेको प्रहरीमाथि उनले आक्रमणको प्रयास गरेपछि प्रहरीले गोली चलाएको थियो ।

प्रहरीले चलाएको गोली तामाङको दायाँ खुट्टामा लागेको थियो । अहिले उनको वीर अस्पतालमा उपचार भइरहेको छ ।

महानगरीय प्रहरी प्रहरी अपराध महाशाखाका प्रमुख सहकुल थापाले तामाङको दायाँ खुट्टामा गोली लागेको जानकारी दिए । उनलाई नियन्त्रणमा लिन गएको प्रहरीमाथि हतियार आक्रमण प्रयास भएपछि तामाङमाथि गोली चलाएको थापाले बताए ।

७ वर्ष जेल बसेर छुटेका तामाङले पूर्व डिआईजी विश्वराज शाहीदेखी आधा दर्जन व्यक्तिको घरमा लुटपाट गरेको अनुशन्धानका क्रममा खुलेपछी महाशाखाले उनलाई खोजी गर्दै आएको थियो।