काठमाडौं– अन्तर्रास्ट्रिय क्रिकेट परिषद् (आईसीसी) टि—२० विश्वकप एसिया छनोटको अन्तिम चरणको खेल तालिका सार्वजनिक गरेको छ ।

मंगलबार सार्वजनिक खेल तालिका अनुसार एसिया छनोटमा नेपालसहित आयोजक सिंगापुर, मलेसिया, कतार र कुवेत रहेका छन् ।

अन्तर्राष्ट्रिय क्रिकेट परिषद् (आईसीसी) ले निकालेको छनोट तालिका अनुसार आगामी जुलाई २२ देखि २८ सम्म आयोजना हुनेछ । सिङ्गापुरमा आयोजना हुने प्रतियोगितामा नेपालले आफ्नो पहिलो खेल कतारसंग खेल्नेछ ।

नेपालले कतारसँग २३ जुलाईमा खेल्नेछ त्यस्तै, दोस्रो खेल मलेसियासंग जुलाई २४, तेस्रो कतारसँग जुलाई २७ तारिख र अन्तिम खेलमा जुलाई २८ मा आयोजक सिंगापुरसंग खेल्नेछ ।

आईसीसी टी—ट्वान्टी विश्वकप छनोट एसिया पूवर्व क्षेत्रीय प्रतियोगिताको विजेता बन्दै नेपाल एसिया छनोटमा पुगेको थियो ।

यसअघि प्रतियोगिता मलेसियामा हुने बताइए पनि आईसीसीले आयोजनाको जिम्मा सिङ्गापुरलाई दिएको हो ।