तिहार हिन्दू धर्मको दोश्रो ठुलो चाड हो । यस पटकको तिहार कार्तिक ९ गतेबाट शुरु भई कार्तिक १२ गतेसम्म छ ।

तिहारमा विशेषतः लक्ष्मी र गणेशको पुजाअर्चना गरिन्छ । देवी लक्ष्मीको आरधना गरे घरमा सुख, समृद्धि तथा धन आउने विश्वास गरिन्छ भने ।

गणेशको पुजा गरेमा घरमा आउने संकट तथा बिघ्न हट्ने विश्वास छ । यसका साथै तिहारमा यि ५ बस्तुलाई घरमा भित्राएमा लाभ हुने धार्मिकशास्त्रमा उल्लेख छ ।

१. श्रीयंत्र
देवी लक्ष्मीको कृपा पाउन घरमा श्रीयंत्रको तिहार अघि स्थापना गरी नियमित पूजा गरेमा यसले धनयोग बनाउदछ ।

श्रीयंत्रमा देवी लक्ष्मीको अलाबा ३३ अन्य देवी देवाताको चित्र अंकित हुन्छ यसले घरमा रोकिएको धन ल्याउन मद्दत गर्छ ।

२. मोती शंख

तिहार अघि मोती शंख घरमा ल्याई यसलाई विधिविधान पूर्वक पूजा गरी दराजमा राखेमा यसले तुरुन्त धन भित्र्याउने धार्मिक विश्वास छ ।

मान्यता अनुसार मोती शंख राख्दा घरमा धन टिक्ने र आम्दानि समेत बढाउने गर्दछ ।

३. लक्ष्मी कौडा

धार्मिक ग्रंथ अनुसार लक्ष्मीसंगै कौडा पनि समुन्द्रबाट उत्पती भएको हो । तसर्थ धन आर्कषित गर्न लक्ष्मी कौडामा स्वभाविक गुण रहने भएकाले यसले अनावश्यक रुपमा बाहिरीने धन समेत खर्च हुनबाट बचाउछ । अपत्यारीलो स्थानबाट समेत धन योग बनाउने गर्दछ ।

४. आकको जरा

शुक्रवारको दिन पारेर विधिविधान पुर्वक सेतो आकको जरा पूजा गरी घर भित्र्याएमा यसले धनयोग बनाउने गर्दछ ।

यसरी भित्र्याइएको आकको जरा पुजा पछि धन राख्ने दराज वा बकशमा राख्नाले यसले तत्काल धन ल्याउने विश्वास गरिन्छ ।

५. कमल गट्टा

कमल गट्टा कमलको फुलको बीउबाट बन्दछ । देवी लक्ष्मीलाई कमल फुल मनपर्ने भएकाले यसको बिउबाट निर्मित माला लक्ष्मीको प्रतिमामा लगाई पुजा गरेमा असम्भव स्थानबाट पनि सजिलै धन प्राप्तिको योग बन्ने धार्मिक विश्वास छ ।