काठमाडौं– देशको निर्जीवन बीमा बजारमा विगत २३ बर्षदेखि सेवा पु¥याउदै आएको नेको इन्सुरेन्स लि. ले बीमा सचेतनाको लागि जनचेतनामुलक कार्यक्रम गरेको छ ।

क्षेत्रपाटी क्षेत्रको नरसिंहचोक, सातघुम्ती, जे.पी. स्कूलरोड आदि स्थानहरुमा घर घरमा गई बीमाको वारेमा जानकारी गराउने कार्य गरेको छ ।

बीमाशुल्क आर्जन गर्ने नाममा विना जानकारी बीमा गराउने र बीमाको महत्व तथा बीमाको रक्षाबरण के हो भन्ने नबुझेका ब्यक्तिहरुको बीमा गर्नु भन्दा बीमा किन आवश्यक छ भन्ने जानकारी गराएर स्वतस्फुर्त रुपमा बीमा गर्ने वातावरण सृजना गर्नको लागि बीमा सचेतना कार्यक्रम संचालन गरिएको हो ।

कम्पनीमा कार्यरत कर्मचारीहरुले बीमाको परिचय आदि उल्लेख भएको जानकारीमूलक पर्चा उक्त एरियाको प्रत्येक घर, पसलमा वितरण गर्दा घरधनी तथा ब्यवसायीहरुले अभिरुची पूर्वक जिज्ञासा राखेका थिए । घरधनी तथा ब्यवसायीहरुको जिज्ञासाको सम्बन्धमा कर्मचारीहरुले प्रष्ट पारेका थिए ।

स्थानीय बासिन्दाहरुले आफ्ना जिज्ञासाको समाधान भए पश्चात बीमाको वारेमा आफूहरुले जानकारी पाएको र बीमा आवश्यक रहेको प्रतिकृया दिएका थिए ।