चितवन– रवि लामिछाने बचाउ संघर्ष समितिका अध्यक्ष सरोज घिमिरेले आफू संघर्ष समितिको अध्यक्षमा नरहेको जनाएका छन् ।

उनले एक विज्ञप्ति जारी गरी छानविन कार्यलाई नै प्रभावित हुने गरी उच्छृंखल गतिविधि हुन लागेको महसुस भएकाले राजीनमा दिएको विज्ञप्तिमार्फत जनाएका छन् ।

‘स्वतन्त्र छानविन र निष्पक्ष न्यायको लागि शान्तिपूर्ण कार्यक्रम सञ्चालन गर्दै आइरहेकोमा हाम्रो समितिको नामबाट हुने कार्यक्रममा असान्दर्भिक रुपमा व्यक्ति विशेष र गणतन्त्र माथि नै प्रहार हुने गरी कार्यक्रमलाई प्रभावित हुने गरी भड्काउन खोजियो’ घिमिरेले जारी गरिएको विज्ञप्तिमा भनिएको छ ।

पत्रकार शालिकराम पुडासैनी प्रकरणकालाई लिएर चितवनमा रवि लामिछाने समर्थकले आन्दोलन चर्काउँदै गरेका छन् । आन्दोलन चर्किँदै गएको र अनुसन्धान नै प्रभावित हुने अवस्था देखिएपछि स्थानीय प्रशासनले आज चितवनको निषेधाज्ञा समेत जारी गरेको थियो ।