वीरगन्ज– पर्सा प्रहरीले तयारी अवस्था तथा कच्चा पदार्थ गरी १ हजार ७ सय ५० लिटर अवैध मदिरा नष्ट गरेको छ ।
वडा प्रहरी कार्यालय बिर्ता र सामुदायिक प्रहरी सेवा केन्द्र कुम्हालटोलबाट खटिएको प्रहरी टोलीले वीरगन्ज महानगरपालिका–५ स्थित विसुन महतोको घरबाट उक्त परिमाणमा मदिरा बरामद गरेको हो ।
प्रहरीका अनुसार महतोको घरबाट १ सय ५० लिटर तयारी अवस्थाको अवैध मदिरा र १ हजार ६ सय लिटर मदिरा बनाउन प्रयोग भएको कच्चा पदार्थ नस्ट गरिएको छ ।
महतोले घरमा नै अवैध रुपमा मदिरा उत्पादन गरी बिक्री गर्दै आएका जिल्ला प्रहरी कार्यालय पर्साले जनाएको छ ।
प्रतिक्रिया