वीरगन्ज– मालसामान बोकेर भारतबाट नेपाल आउँदै गरेको कन्टेनरका चालकको हृदयघातका कारण मृत्यु भएको छ ।
वीरगन्ज महानगरपालिका– १६ इनर्वास्थित भन्सार कार्यालयबाट जाँचपास गरेर नेपालतर्फ आउँदै गरेको एचआर–३८–भी–५६०६ नम्बरको कन्टेनरका चालकको मृत्यु भएको हो ।
मृत्यु हुनेमा भारतको उत्तर प्रदेशअन्तर्गत इटहवाको भरतपुर घर भएका ४५ वर्षीय अवधेश सिंह छन् ।
भन्सार क्षेत्रबाट कन्टेनर बाहिर ल्याउने क्रममा हृदयघात भएका अवधेशलाई उपचारका लागि नारायणी अस्पताल वीरगन्ज ल्याउने क्रममा मृत्यु भएको जिल्ला प्रहरी कार्यालय पर्साले जनाएको छ ।
प्रतिक्रिया