एजेन्सी– बेलायत युरोपेली युनियनबाट बाहिरिने मामिलाका कनिष्ठ मन्त्रीले यरोपेली युनियन इयु संसद्को आगामी चुनावमा बेलायत सहभागी नहुने जनाएका छन् । बेलायत युरोपेली युनियनबाट बाहिरिने मामिलाका कनिष्ठ मन्त्री मार्टिन कलानले बेलायत युरोपेली युनियनबाट बाहिरिने मिति आगमी मार्च २९ पछि हुन लागेको चुनावमा सहभागि नहुने जनाएका हुन् ।

यसअघि युरोपेली आयोगका प्रमुख जिन क्लाउड युङ्करले इयु संसद्को आगामी निर्वाचनमा बेलायतको पनि सहभागिता रहनसक्ने जनाएका थिए । बेलायत इयुबाट बाहिरिदा इयुसँग गर्ने सम्झौताका विषयमा बेलायती संसद्मा तीब्र मतविभाजन भइरहेका बेला बेलायत सरकारका मन्त्रीको यस्तो भनाइ आएको हो ।

प्रधानमन्त्री टरिजा मेले बेलायत इयुसँग गरेको सम्झौता अनुसार बाहिरने वा प्रधानमन्त्री मेको सम्झौताभन्दा परिष्कृत सम्झौता गरी बाहिरिने वा बिना सम्झौता बाहिरने वा बेलायत बाहिरिने विषयमा फेरि जनमत सङ्ग्रह गर्ने विषयमा बेलयती राजनीतिमा तीब्र ध्रुविकरण भइरहेको छ ।
इयु संसद्को आगामी निर्वाचन मे महिनाको अन्तिम साता हुँदैछ ।