काठमाडौं – चैत्र १ गतेदेखि रिलिज हुने फिल्म ‘जानी नजानी’ टिमले क्यारेक्टर पोस्टर सार्वजनिक गरेको छ । पोस्टरमा फिल्मका लिड कलाकारहरुलाई प्रस्तुत गरिएको छ ।

नम्रता श्रेष्ठ, मनिष श्रेष्ठ, सन्नी सिंह र निरिशा बस्नेतलाई पोस्टरमा देखाइएको हो । फिल्ममा मनिषलाई देव , निरिशालाई मीरा , सन्नीलाई चिराग र नम्रतालाई वर्षाको भूमिकामा देखाइएको छ ।

फिल्म लभस्टोरी विधामा तयार पारिएको हो ।

बसन्त अधिकारीले निर्देशन गरेको यो फिल्ममा कथा, पटकथा र संवाद सामिप्यराज तिमिल्सेनाले तयार पारेका हुन् । फिल्ममा प्रकाश अधिकारी, कृष्ण भक्त महर्जन, रोशनी केसी लगायतका कलाकारले समेत अभिनय गरेका छन् ।

रोशनी इन्टरटेन्मेनटको ब्यानरमा निर्माण गरिएको यो फिल्ममा रोशनी केसी प्रस्तुतकर्ता छिन् । फिल्मकी प्रस्तुतकर्ता रोशनी केसी हुन् । फिल्ममा मोदनाथ खनाल र सागर काजी मालीको निर्माण छ ।