राजविराज– स्वास्थ्य तथा जनसंख्या मन्त्रालय र नेपाली सेनाले संयुक्त रुपमा आयोजना गरेको स्वास्थ्य शिविरमा आएका एकजना बिरामीको मृत्यु भएको छ ।

मुटु तथा उच्चरक्तचापको समस्या लिएर शिविरमा जचाँउन आएका सप्तरीको  कञ्चनरुप नगरपालिका–६ धरमपुरका ६५ वर्षिय गंगा मोचीको मृत्यु भएको हो । उनी मंगलबार बिहान शिविरको अस्थायी शौचालयमा मृत अवस्थामा फेला परेका हुन् ।

नेपाली सेनासँगको सहकार्यमा स्वाथ्य मन्त्रालयले गजेन्द्र नारायण सिंह सगरमाथा अञ्चल अस्पताल, राजविराजमा फागुन १ गतेदेखी स्वास्थ्य शिविर आयोजना गरेको थियो ।

मोची उक्त शिविरमा स्वास्थ्य परिक्षणको लागि सोमबार आएका थिए । बिरामीको उत्साहजनक सहभागीता रहेको शिविरमा मोचीको निधन भएकोमा अस्पतालले दुःख व्यक्त गरेको छ ।