काठमाडौं– सर्वोच्च अदालतका न्यायाधीश दीपकराज जोशीले अपमानित महसूस गरेपछि पदबाट राजीनामा दिएको बताएका छन् ।

मंगलवार प्रधानन्यायाधीश चोलेन्द्र शम्शेर राणामार्फत राष्ट्रपतिसमक्ष राजीनामा बुझाएका जोशीले खबरहबसँगको कुराकानीमा भने, ‘मेरो बेन्च समेत खोसियो, चेम्बर खोसियो । बस्ने ठाउँ नै पाएन ।’

जोशीले आफूले सर्वोच्चमा रहँदा अझ अपमान सहनुपर्ने भएकाले राजीनामा दिएको पनि बताए । ‘पछिल्लो समय न्याय परिषदको वैठकमा समेत बोलाउन छाडियो । अत्यन्तै अपमानित महसूस भयो । त्यहि भएर राजीनामा दिएको हुँ ।’

जोशीले अवकासपछिको जीवन साहित्य सिर्जनामा व्यतित गर्ने पनि जानकारी दिए ।

‘अवकाश पछि अब साहित्य सिर्जनामा नै सक्रिय रहन्छु,’ जोशीले खबरहबसँगको कुराकानीमा भने, ‘साहित्यसँग सम्बन्धित लेख रचना प्रकाशित गर्छु ।’