एजेन्सी– स्पेनको नौसैनिक युद्धपोतले जिब्राल्टरको तटपारी रहेका बेलायती व्यावसायिक पानीजहाजलाई जिब्राल्टर छाड्न निर्देशन दिएको छ ।
बेलायत युरोपेली युनियनबाट बाहिरिने मिति नजिकिँदै गर्दा बेलायत र स्पेनबीच सार्वभौमिकताको विषयलाई लिएर विवादमा रहेको जिब्राल्टरको तटपारी स्पेनी नौसेनाले बेलायती व्यावसायिक पानीजहाजलाई त्यस स्थान छाड्न निर्देशन दिएको हो ।

स्पेनी नौसैनिक कदमको जवाफमा बेलायती नौसेनाले त्यस जलक्षेत्रमा स्पेनी नौसैनिक युद्धपोतको प्रतिरोध गरेको थियो । बेलायती नौसैनिक प्रतिरोधपछि स्पेनी नौसेना त्यहाँबाट भागेको बताइएको छ ।

स्पेनको दक्षिणी सीमामा रहेको जिब्राल्टर हाल बेलायतको प्रशासनअन्तर्गत छ भने स्पेनले जिब्राल्टरमा आफ्नो सार्वभौमिकता दाबी गर्दै आएको छ ।