काठमाडौं– यातायात क्षेत्रको उचित व्यवस्थापनका लागि भन्दै सरकारले ‘यातायात व्यवस्था प्राधिकरण’ गठन गर्ने भएको छ ।
भौतिक पूर्वाधार तथा यातायात मन्त्री रघुवीर महासेठले प्राधिकरण गठनको तयारी शुरु भइसकेको र छिट्टै गठन हुने बताए ।
प्राधिकरण गठनका लागि विधेयक तयार भएको र आगामी हप्ता सो विधेयक संसदमा पेश गरिने महासेठको भनाइ छ ।
शुक्रबार काठमाडौंमा आयोजित एक कार्यक्रममा बोल्दै महासेठले यातायात व्यवसायीहरुकै परामर्शमा सो प्राधिकरण गठन गर्न लागिएको पनि बताए ।
मन्त्री महासेठले यातायात क्षेत्रमा देखिएका सबै समस्या समाधान गर्न सरकार लागि परेको पनि बताए ।
प्रतिक्रिया