काठमाडौं– टिकटकमा गीत गाएर भाइरल बनेकी गरिमा हुँमागाईले अन्ततः गायिका बन्ने अवसर प्राप्त गरेकी छिन् । हालै गरिमाले आफ्नो पहिलो गीत रेकर्ड गराएकी हुन् ।
‘प्लस टु’ अध्ययनरत उनी आफ्नो गायिका बन्ने सपना पूरा भएकोमा गीत गाउँदा-गाउँदै स्टूडियोमै भावूक बनिन् । गायिका बन्ने सोच पालेको भए पनि आर्थिक अभावका कारण सम्भव नदेखेकी उनलाई डीएआर मूभिजले सम्पूर्ण खर्च व्यहोरेर गीत गाउने अवसर प्रदान गरेको हो ।
उनले एउटा तीजको गीतमा आवाज दिएकी छिन् । यो सँगै आगामी दिनमा पनि गीत गाउने अवसर प्रदान गरिने डीएआर मुभिजका सञ्चालक प्रभावनले बताएका छन् । केहि समय अगाडि गलबन्दी गीत गाएर टिक टकमा गरिमा भाइरल बनेकी थिइन् ।
प्रतिक्रिया