काठमाडौं- प्रधानसेनापति पूर्णचन्द्र थापाले मित्रराष्ट्र चीनका कमाण्डर जेनो झा जन्जीसँग शिष्टाचार भेटवार्ता गरेका छन् ।

साताव्यापी भ्रमणका लागि चीन पुगेका थापाले चीनको चेंगदू, डुजुआंगान सिटीमा कमाण्डर जन्जीसँग शिष्टाचार भेटवार्ता गरेका हुन् ।

थापा चीनका जनमुक्ति सेनाको औपचारिक निमन्त्रणामा सप्ताहव्यापी भ्रमणका क्रममा चीन पुगेका थिए । थापाले चेंगदू, डुजुआंगान सिटीमा रहेका डुजुआंगान सिटीस्थित विभिन्न पर्यटकीय स्थलहरुको समेत भ्रमण गरेका छन् ।

सैनिक जनसम्पर्क निर्देशनालयका अनुसार, भ्रमणकै सिलसिलामा प्रधानसेनापति थापा बुधबार चेंगदूबाट बेइजिङ पुग्ने र बेइजिङस्थित नेपाली राजदूतावासले आयोजना गर्ने कार्यक्रममा सहभागी हुनेछन् ।

प्रधानसेनापति थापा औपचारिक भ्रमण समाप्त गरी उनि ७ गते काठमाडौं फर्किने कार्यक्रम रहेको छ ।