काठमाडौं – दक्षिण अफ्रिकाका कप्तान फाफ डु प्लेसिसले यसअघिका विश्वकप क्रिकेटमा राम्रो प्रदर्शन गर्न नसकेको बताए ।

आइतबार अन्तराष्ट्रिय क्रिकेट परिषद् (आईसीसी) सँग कुरा गर्दै कप्तान डु प्लेसिसले १२ सम्म आइपुग्दा यसअघिका प्रतियोगिताहरुमा अनावश्यक दबाब लिने गरेको बताएका छन् ।

विश्व क्रिकेटको हस्ती मध्येको अफ्रिकाले अन्य प्रतियोगितामा राम्रो पर्दन गरेपनि विश्वकपमा भने फाइनलसम्मको यात्रा तय गर्न सकेको छैन । तर, इङ्ग्ल्यान्ड र वेल्समा हुने विश्वकपमा स्किपर डु प्लेसिसको नेतृत्वमा राम्रो प्रदर्शन गर्ने अनुमान लगाइएको छ ।

‘यसअघिका विश्वकपहरुमा हामीले सुपरम्यानका रुपमा प्रदर्शन गर्न खोज्यौं । हामीले चहाएका छौं यो विश्वकप अझै विषेश हुनेछ । हामी अहिलेसम्मका भन्दा राम्रो प्रर्दशन गर्न चाहान्छौं र अघिल्लो संस्करणहरुमा हामीले राम्रो गर्न सकेको छैन्,’ कप्तान डु प्लेसिसले भने,‘हामीले विगतमा कहिलै पनि राम्रो गर्न सकेका छैनौं । इङ्ग्ल्यान्डमा हामी राम्रो क्रिकेट खेल्नेछौं । तर, हामी आफूमा दबाब पनि रहेको छ । हामी मात्रै क्रिकेटमा रमाउने प्रयास गर्नेछौं ।’

डु प्लेसिसले खेलाडीहरुलाई हार्ने डरबाट माथि उठ्नु जरुरी रहेको पनि बताए । हामीले एक वर्ष वा दुई वर्षअगाडि देखि नै मेन्टल्ली तयार भइरहेका थियौं । कप्तानका रुपमा म आफु पनि एक किसिमले यसअघिका कप्तान भन्दा तयार छु,’ उनले भने,‘तर, म विश्वस्त छु । कि यो हामीले राम्रो गर्न सक्ने ठाउँ पनि हो । म त्यो ठाउँमा छु र दबाब के हो भन्ने पनि जानेको छु ।’