वीरगन्ज– पर्सा राष्ट्रिय निकुञ्जको सुरक्षाका लागि खटिएको नेपाली सेनाको बारादल गणमा कार्यरत सैनिक जवानको मृत्यु भएको छ ।
ड्युटीमा रहेका बेला बेहोस भएर ढलेका सैनिक जवान २८ वर्षीय देवीराम जैसीको उपचारका लागि लैजाने क्रममा मृत्यु भएको हो ।
जैसी शनिबार राति १२ बजेदेखि ३ बजेसम्मका लागि ड्युटीमा थिए । उनी ड्युटीमै रहेका बेला बेहोस भएर ढलेका थिए ।
बेहोस भएलगत्तै उपचारका लागि लगिए पनि बाटोमै मृत्यु भएको जिल्ला प्रहरी कार्यालय पर्साले जनाएको छ । प्रहरीका अनुसार जैसीको शव अहिले वीरगन्जस्थि नारायणी अस्पतालमा राखिएको छ ।
प्रतिक्रिया