काठमाडौं- नेपाली युवा ब्याडमिन्टन खेलाडी प्रिन्स दाहालले बंगलादेश जुनियर इन्टरनेशनल सिरिजमा दोहोरो सफलता हात पारेका छन् ।

बिहीबार प्रिन्सले पुरुष एकल र पुरुष युगलमा जित हात पार्दै प्रिक्वार्टरफाइन प्रवेश गरेका हुन् । पुरुष एकलमा प्रिन्सले मलेसियामा चोङ इ ज्याकलाई २१-९,२१-८ ले सहजै पराजित गरे ।

यस्तै प्रिन्स र देव रानाको जोडीले पुरुष युगलमा बंगलादेशका रहमान धाली र जायद बिन जोन्यालको जोडीलाई २१-१०, २१-१५ ले पराजित गर्दै क्वार्टरफाइनलमा स्थान बनाएका हुन् ।

पुरुष एकलमा भने देव राना भारतीय खेलाडी घाना हर्ष जेट्टीसंग पराजित हुँदै प्रिक्वार्टरफाइनलबाटै बाहिरिएका छन् । महिला एकलमा नेपालकी रसिला महर्जन भारतीय खेलाडी अध्या पारासरसंग पराजित भइन् ।