एजेन्सी –इंग्लिस फुटबल क्लब लिभरपुलले जापानी खेलाडी ताकुमी मिनामिनोलाई क्लबमा भित्र्याएको छ । बिहीबार मेडिकलमा पास भएपछि ताकुमीलाई लिभरपुलले क्लबमा भित्र्याएको हो ।

२४ बर्षीय जापानी राष्ट्रिय टोलीका खेलाडीलाई योर्गन क्लोपको क्लबले साढे ४ बर्षका लागि सम्झौता गरेको छ । उनी वेल्सको क्लव रेडबुल साल्जवर्गबाट लिभरपुल गएका हुन् ।

ताकुमीका लागि लिभरपुलले ७.२५ मिलियन युरो खर्च गरेको छ । ताकुमी अब जनवरी १ देखि औपभारीक रुपमा क्लबमा भित्रीनेछन् ।

क्लबसँग जोडिएसँगै उनी सोझौ क्लोपको टिममा सहभागी हुने र एफए कपको तेस्रो राउण्डको खेलमा एभरटोनविरुद्धको जनवरी ५ मा हुने खेलमा टिममा पर्ने दी गार्जिएनले लेखेको छ ।

‘लिभरपुलको खेलाडी बन्ने एक सपना थियो । मेरो सपना र यो क्षण आएको मा म एकदमै खुसी छु,’ ताकुमीले भने,‘प्रिमियर लिग खेल्ने लक्ष्य छ । मलाई लाग्छ यो विश्वको शीर्ष स्तरको लिग हो । म सोचिरहेको छु मेरो फुटबल करियरले तिव्र गति लिन सके म पनि प्रिमियर लिग खेल्नेछु ।’

ताकुमीले आफूले लिभरपुलबाट खेल्न पाउने बारे नसोचेको र म क्लबमा आवद्ध हुन पाउँदा एकदमै खुसी भएको बताए ।