काठमाडौं– फिफा विश्वकप २०२२ तथा एएफसी एसियन कप २०२३ संयुक्त छनोट अन्तर्गत खेलमा नेपाल कुवेतसँग पहिलो हाफमा पछि परेको छ ।
भुटानको थिम्पुमा भइरहेको खेलको पहिलो हाफमा नेपाल कुवेतसँग १–० गोल अन्तरले पछि परेको हो । कुवेतका कप्तान बादेर अल अलमोतावाको गोलमा नेपाल आफ्नो होम गेममा पहिलो हाफमा पछि परेको हो ।
अलमोतावाले खेलको २८औं मिनेटमा गोल गरेका थिए । घरेलु दर्शकको माझ हुनु पर्ने खेल दशरथ रंगशाला तयार हुन नसक्दा भुटानमा खेलाएको नेपाल यसअघिको भन्दा सुधारीएको प्रदर्शन गर्ने लक्ष्यमा रहेको छ ।
यसअघि नेपाल अवे खेलमा ७–० गोलले पराजित भएको थियो ।
प्रतिक्रिया